Լրահոս / Հայտարարություններ
Փոխըմբռման հուշագրի ստորագրում Թուրքմենստանի հետ
24.08.2017
Օգոստոսի 24-ին Թուրքմենստանի նախագահ Գուրբանգուլի Բերդիմուհամեդովի՝ Հայաստան կատարած պաշտոնական այցի շրջանակներում, ՀՀ ԱԳՆ դիվանագիտական դպրոցի և Թուրքմենստանի ԱԳՆ արտաքին հարաբերությունների ինստիտուտի միջև ստորագրվեց Փոխըմբռնման հուշագիր։ Հայկական կողմից փաստաթուղթը ստորագրեց Դիվանագիտական դպրոցի տնօրեն Վահե Գաբրիելյանը, իսկ թուրքմենական կողմից՝ Արտաքին հարաբերությունների ինստիտուտի ռեկտոր Բաբա Զախիրովը։ Հուշագիրը նախատեսում է համագործակցություն դիվանագետների պատրաստման, վերապատրաստման ոլորտներում, ինչպես նաև երկու կառույցների միջև գիտակրթական համագործակցության հաստատում։