Լրահոս / Հայտարարություններ
Դիվանագիտական կրթության միջազգային ֆորում
12.09.2017
Սեպտեմբերի 6-9-ը Սանտյագոյում (Չիլի) տեղի ունեցավ Դիվանագիտական ակադեմիաների և միջազգային հարաբերությունների ինստիտուտների տնօրենների և դեկանների 44-րդ տարեկան հանդիպումը (որը հայտնի է Դիվանագիտական կրթության միջազգային ֆորում անունով), որին մասնակցեց նաև ՀՀ ԱԳՆ դիվանագիտական դպրոցի տնօրեն, դեսպան Վահե Գաբրիելյանը:
Ավանդական դարձած այս հավաքին, որի կազմակերպիչն այս տարի Չիլիի ԱԳՆ դիվանագիտական ակադեմիան էր, մասնակցում էին բոլոր մայրցամաքները ներկայացնող շուրջ 50 դիվանագիտական ակադեմիաների ղեկավարներ:
Համաժողովին դիվանագետների կրթության և վերապատրաստման մշտական խնդիրներից բացի քննարկվեցին կայուն զարգացման օրակարգի իրականացման ուղղությամբ տարվող տարբեր երկրների քաղաքականությունը, դրան նվիրված դիվանագիտական կրթությանը, ինչպես նաև մասնավորապես Լատինական Ամերիկայի տարածաշրջանին առնչվող խնդիրներ: